Një ngjarje tragjike ka ndodhur në qytetin e Astanës, në Kazakistan, ku një grua 27-vjeçare i ka dhënë fund jetës pasi është hedhur nga kati i 15-të i një pallati.
Gjatë rënies, ajo ka përfunduar mbi një karrocë fëmijësh, ku ndodhej një vogëlush dyvjeçar. Përplasja ka qenë fatale dhe fëmija ka humbur jetën në vend.
Të lidhura
None found
Policia ka nisur hetimet për të përcaktuar rrethanat e ngjarjes dhe shkaqet që e çuan 27-vjeçaren drejt këtij akti ekstrem.
Të dhënat zyrtare të Ministrisë së Emergjencave tregojnë se rastet e fëmijëve që bien nga lartësitë mbeten një shqetësim në rritje.
Nga janari deri në maj të vitit të kaluar, janë regjistruar 60 raste të fëmijëve që kanë rënë nga dritaret.
Pesë prej tyre kanë ndërruar jetë në vend, ndërsa 55 fëmijë të tjerë janë dërguar në spital me plagë të rënda.
Gjatë vitit 2024, autoritetet raportuan gjithsej 196 incidente të kësaj natyre.
