Pas disfatës së papritur ndaj Betisit, Real Madridi reagoi në mënyrën më të mirë të mundshme, duke mposhtur bindshëm Rayo Vallecanon me rezultatin 4-1.
Të lidhura
None found
“Los Blancos” kaluan në avantazh në minutën e 14-të, kur Kylian Mbappe e dërgoi topin në rrjetë nga pika e bardhë.
Vetëm tre minuta më vonë, francezi përfitoi nga një top i rikuperuar në prapavijë dhe shërbeu Alvaro Carreras, i cili realizoi golin e dytë për madrilenët (17’).
Epërsia e Realit u thellua në minutën e 35-të. Jude Bellingham shënoi me një goditje të bukur pas asistimit të Vinicius Jr.
Rayo Vallecano u shfaq më kërkues në fillim të pjesës së dytë dhe arriti të ngushtojë diferencën përmes Sergio Camellos. Sulmuesi përfitoi nga një gabim i Camavingas dhe Vinicius, duke mposhtur Courtois me një realizim të bukur (51’).
Megjithatë, skuadra vendase nuk e vuri në diskutim fitoren. Mbappe shënoi edhe një herë në minutën e 90+1’, pas pasimit të Guler, duke i dhënë formën përfundimtare triumfit.
Me këtë sukses, Real Madridi ngjitet në kuotën e 12 pikëve, po aq sa Barcelona, e cila ka zhvilluar një ndeshje më pak. Ndërkohë, Vallecano mbetet me katër pikë.
