Deputetja Fitore Pacolli ka njoftuar se sot është zhvilluar një tjetër inspektim në restorantin “Liqeni i Dukagjinit”, pasi urdhri i Inspektoratit të Ministrisë së Mjedisit për ndalimin e menjëhershëm të veprimtarisë nuk ishte zbatuar. Kontrolli është kryer me asistencën e Policisë së Kosovës.
Të lidhura
None found
Sipas Pacollit, pavarësisht vendimit për mbyllje, pronari i restorantit ka vijuar operimin.
Për vazhdimin e kundërligjshëm të veprimtarisë, ndaj tij është iniciuar procedurë penale.
Pacolli ka rikujtuar se vendimet e institucioneve shtetërore duhet të zbatohen nga të gjithë dhe se askush nuk mund ta sfidojë shtetin.
Ajo ka theksuar se ujërat dhe prona publike e Kosovës nuk mund të dëmtohen për interesa private, duke nënvizuar se sundimi i ligjit dhe mbrojtja e natyrës mbeten pa kompromis.
