Gjilani triumfoi 1-0 ndaj Ballkanit në shtëpi, në ndeshjen e vlefshme për xhiron e pestë të Superligës së Kosovës.
Të lidhura
None found
Skuadra vendase ishte më aktive dhe krijoi disa raste gjatë gjithë takimit, por arriti t’i konkretizojë mundësitë vetëm në pjesën e dytë.
Golin vendimtar e shënoi Robert Rrahmani në minutën e 66-të, duke përfituar nga një gabim i portierit të Ballkanit. Me këtë realizim, ai u bë lojtari kryesor i “Skifterëve” në këtë derbi.
Ballkani u përpoq të rrezikonte kryesisht përmes kundërsulmeve, megjithatë nuk gjeti mënyrën për ta çorientuar mbrojtjen e Gjilanit.
Përballja ishte e luftuar dhe interesante që nga starti, por tri pikët përfunduan te nikoqirët.
Pas kësaj fitoreje, Gjilani ngjitet në vendin e tretë me 10 pikë, ndërsa Ballkani mbetet i katërti me një pikë më pak.
