Tirana duket të jetë e pandalshme në kampionat teksa ka regjistruar një tjetër fitore ndaj Laçit.
Takimi u mbyll me shifrat minimale 1-0 ku ishte Michael Ngoo i cili shënoi në minutën e 73′.
Pas një krosimi në zonë, portieri i kurbinasve, Stazhilla bëri një dalje të gabuar dhe u ndodh në kundërkohë me Ngoo i cili e dërgoi topin në rrjetë.
Ndeshja filloi shumë e zjarrtë që në fillim me të dyja ekipet në sulm por pa pasur konkretizime.
Gjithashtu nuk munguan dhe gabime nga të dyja skuadrat. Në minutën e 67′, Muça për pak sa nuk i dhuroi një gol Laçit teksa e kthehu topin prapa tek portieri.
Sulmuesi i kurbinasve nuk arriti ta kapë topin i cili u largua nga gardiani i bardhebluve, Lika.
Me këtë fitore Tirana shënon një prej sezoneve më të mira. Në 13 ndeshjet e fundit, bardheblutë kanë fituar 12 dhe kanë barazuar 1.
Ata kryesojnë kampionatin në kuotën e 53 pikëve.
