Situata tek Juventusi nuk është shumë e mirë, për të mos thënë e zymtë.
Bardhezinjtë nuk kanë bindur me lojë dhe rezultate që prej rifillimit të kampionatit prej ndalesës nga pandemia ku kanë pasur shumë ulje ngritje.
Të lidhura
None found
Këtë moment jo të mirë të italianëve kërkon ta shfrytëzojë Lioni.
Juventus ndeshet me Lionin në Ligën e Kampionëve, ku sfida e parë përfundoi 1-0 për francezët. Trajneri i Lionit Rudi Garsia ka shprehur besimin se mund ta eliminojnë Juventusin.
“Prioriteti ynë është finalja e Kupës së Ligës kundër PSG me 31 korrik, pastaj do mendojmë për Juventusin. Do të bëjmë gjithçka për tu kualifikuar në çerekfinalet e Ligës së Kampionëve. Është krijuar përshtypja sikur Juventusi është në vështirësi, por edhe pse nuk po paraqiten mirë sërish janë pranë fitimit të kampionatit.
Diçka e tillë na bën të kuptojmë se çfarë kualiteti zotërojnë bardhezinjtë, por ne do mundohemi t’i eliminojmë”, përfundoi trajneri i Lionit Rudi Garsia.
