Ligue 1 vazhdon me vendime të jashtëzakonshme.
Kampionati francez sot ka vendosur që t’i jap fund sezonit të futbollit, përfshirë edhe Superligën që njihet si Ligue 1.
PSG janë kampionët e sezonit 2019/20, kurse Lyon nuk luan në garat evropiane për herë të parë pas 23 viteve.
Por, tashmë LFP po përgatit edhe planin për sezonin e ri në Francë, përcjell lajmi.net.
Sipas raportimeve, LFP planifikon që të fillojë sezonin 2020/21 në Ligue 1 dhe Ligue 2, në datat 22 dhe 23 gusht.
“Bordi i drejtorëve rithekson objektivin për fillimin e sezonit të ri më 22 dhe 23 gusht 2020 më së voni”, thuhet në një komunikatë të LFP.
Kujtojmë se vendimi i LFP për anulimin e këtij sezoni ka bërë që skuadrat franceze të ndahen në qëndrimet e tyre.