Ditën e djeshmë janë shoqëruar në polici rreth 42 shtetas për ndërtime të paligjshme në Tiranë.
Janë mësuar disa nga godinat e dëmtuara nga tërmeti, për të cilat policia ditën e djeshme kreu një sërë arrestimesh.
Gazetarja Anila Hoxha raportoi për pallatet e dëmtuara për të cilat janë lëshuar 42 urdhër arreste.
Arrestimet janë për pallatet në të cilat është konstatuar ndryshim destinacioni, ndërhyrje në strukturë, siç është rasti i Vorës ku në një pallat të vjetër është ndryshuar struktura për t’u kthyer në furrë buke.
Ndërkohë pallatet e tjera janë në Tiranë: Gora shpk., në Yzberisht; Hapësira X., në Yzberisht; Agi Bes Halili në Liqenin e Thatë; Rekord në Yzberisht; Haki Stërmilli në Kombiant.
Është mësuar gjithashtu se nesër do të dorëzohet kërkesa në gjykatë për të përcaktuar masat e sigurisë për të arrestuarit, ndërsa një numër i vogël prej tyre ndodhen ende në arrati.
