Duket se shqiptarët kur preferojnë t’i thyejnë rregullat, zgjedhin ta bëjnë në mënyrën më të pazakontë të mundshme.
Nëse deri tani kriminelët përpiqen që ti ngrenë fermat e kanabisit fshehur në fshatra të thella, gjërat paskan ndryshuar.
Një grup shqiptarësh kishte bërë të kundërtën duke ngritur një fermë masive vetem 500 metra larg stacionit të policisë në zonën Essex në Jug të Anglisë.
Nuk bëhet fjalë për një fermë me disa qindra rrënjë narkotike, por për një të tillë ku policia gjeti 3.000 rrënjë kanabis, me një vlerë që nëse do të korrej e shitej do të kapte vlerën prej 2 milion stërlinash.
Emiljan Gjura dhe Ermir Reshiti u arrestuan dhe ndaj tyre rëndon akuza e kultivimit të bimëve narkotike.
Gjatë vitit 2019 drejtësi angleze dënoi 73 shqiptarë si të përfshirë në kultivimin e Kanabisit.
