Një lajm shumë i mirë ka ardhur ditën e sotme nga Spitali Infektiv i Tiranës. Pacienti i parë i shëruar zyrtarisht nga koronavirusi ka dalë nga spitali.
Ka qenë kryeministri Rama i cili ka publikuar një fotografi ku pacienti i parë del nga spitali me këmbët e tij.
Pas trajtimit, pacienti rezultoi negativ ndaj dy testeve të kryera për koronavirusin.
Kryeministri Rama shkruan në Facebook se pacienti i parë që lë karantinën e Infektivit ka dal nga spitali për t’u mbyllur në shtëpi dhe për të mos dal për 14 ditët e ardhshme.
“I shëruari i parë del nga spitali për t’u mbyllur në shtëpi pa dalë fare 14 ditë, nën vëzhgimin e mjekëve fantastikë të infektivit”, shkruan Rama./albeu.com/
