Vijojnë në ditën e tyre të tretë aktivitetet para varrimit të Qaseem Suleimanit, gjeneralit iranian që u vra nga një dron amerikan pak ditë më parë në Bagdat.
Sëfundmi, trupi i tij është dërguar në Teheran ku edhe drejtues të lartë të shtetit kanë kryer homazhet e tyre, raporton albeu.com.
Gjatë kësaj ceremonie, në fokusin e mediave nuk kishte se si të mos ishte një ushtarak i lartë i Iranit, i quajtur Ismail Kaani.
Ky i fundit ka qenë zv.komandati i Forcave Kuds të Iranit, ndërsa pas vrasjes së Suleimanit është emëruar si komandant i tyre.
Forcat Kuds janë njësia speciale e Gardës Revolucionare të Iranit që janë të angazhuara në operacionet jashtë vendit. Ato akuzohen se janë përgjegjëse për mijëra të vrarë në Irak, Siri, Liban dhe Jemen për shkak të angazhimit përmes milicëve shiit lokal në lufte me ushtri apo grupe të ngjashme vendase. /albeu.com
