Flamurtari e nisi sezonin e Kategorisë së Parë me një barazim 3 – 3 ndaj Besës, duke siguruar pikë në një transfertë të vështirë. Skuadra vlonjate, e drejtuar nga Oltijon Kërnaja, ishte në disavantazh 3 – 1, por dy golat e shënuar në fund i dhanë mundësinë të shmangte humbjen.
Megjithatë, rrjedha e takimit mund të kishte qenë ndryshe që në minutën e 35-të. Ruzgis, sulmuesi i Besës, realizoi një gol që pamjet e tregojnë qartë në pozicion jashtë loje. Arbitri Indrit Myrtja nuk e akordoi parregullsinë, pavarësisht protestave të shumta nga futbollistët e Flamurtarit.
Të lidhura
None found
Aksioni i diskutueshëm i dha Besës epërsinë 2 – 1. Një vendim i saktë për këtë pozicion të parregullt mund ta kishte ndryshuar përfundimin e ndeshjes, e cila në fund u mbyll në barazim 3 – 3.
