Xhiroja e dytë e Albi Mall Superligës së Kosovës nis sot, të premten, me një ndeshje në program.
Të lidhura
None found
Në stadiumin “Liman Gegaj”, Malisheva do të përballet me Drenicën, në një takim që pritet të fillojë në orën 16:30.
Ekipi vendas vjen pas fitores së thellë 1-6 në transfertën ndaj Vushtrrisë dhe synon të regjistrojë një tjetër sukses për të konfirmuar forcën që në startin e kampionatit.
Drenica, ndërkohë, e ka nisur sezonin me një barazim kundër Dukagjinit dhe kërkon të largohet me rezultat pozitiv edhe nga kjo transfertë e vështirë.
Këtë fundjavë do të zhvillohen gjithsej katër ndeshje, pasi derbi mes Prishtinës dhe Dritës është shtyrë për një datë tjetër.
Dy takime të tjera janë planifikuar për të shtunën, më 22 gusht, ndërsa xhiroja do të mbyllet të dielën, më 23 gusht, me një ndeshje.
