Shqipëria U-21 i nis mbarë eleminatoret, mposht Andorrën në transfertë

Shqipëria e U-21 e nis mbarë fushatën eleminatore të Evropianit 2023 që do të mbahet në Rumani dhe Gjeorgji. Kuqezinjtë e vegjël fituan 3-0 ndaj Andorrës në transfertë, duke dominuar në çdo aspekt kundërshtarin. Në minutën e 16-të Shqipëria drejtuar nga Alban Bushi kaloi në avantazh me Armando Brojën.

Vetëm pak para përfundimit të pjesës së parë,Dobra fitoi një penallti të ekzekutuar në mënyrë perfekte nga Mehmeti.

Me 2 gola në epërsi, ekipi i Shpresave luajti qetë në pjesën e dytë ku e kërkoi ende golin dhe në 62’ falë një rrëmuje në zone dhe presionit të lojtarëve tanë, Alvarez shënoi një autogol që vulosi ndeshjen.

Me këtë sukses, Shqipëria merr 3 pikët e para në ndeshjen e parë të Grupit 7 eliminator ndërsa 4 ditë më vonë do të jetë dhe përballja e dytë, një derbi i vërtetë me Kosovën U21 në Prishtinë.


Shtuar 4.06.2021 22:44