Shqipëri-Angli luhet me tifozë? Ministria e Shëndetësisë merr vendimin

Ministria e Shëndetësisë e Shqipërisë ka refuzuar kërkesën e Federatës Shqiptare të Futbollit për lejimin e tifozëve në ndeshjen ndaj Anglisë.

Ditë më parë, FSHF kishte kërkuar leje që në ndeshjen Shqipëri – Angli të jenë të pranishëm edhe tifozët, me një numër të limituar.

Mirëpo, kjo kërkesë është refuzuar nga autoritetet shqiptare, pasi që nga prania e tifozëve vlerësohet me rrezikshmëri të lartë.

“Zhvillimi i këtij aktiviteti sportive me pjesëmarrje të spektatorëve konsiderohet me rrezikshmëri të lartë për përhapjen e infeksionit Covid-19, kjo për shkak se shoqërohet me grumbullime njerëzish.

Duke parë situatën epidemiologjike, në kushtet e numrit të lartë të rasteve të reja të infektimeve me Covid-19, Ministria e Shëndetësisë dhe Mbrojtjes Sociale nuk e miraton kërkesën tuaj”, thuhet në përgjigjen e Ministrisë së Shëndetësisë.

Ndryshe, ndeshja mes Shqipërisë dhe Anglisë zhvillohet më 28 mars në “Air Albania Stadium” dhe është e vlefshme për kualifikime në Kampionatin Botëror “Qatar 2022”.

Shtuar 19.03.2021 04:03