Egnatia ka mësuar vetëm pak minuta më parë rivalin që do të ketë përballë në turin e parë kualifikues të UEFA Champions League, me shortin që i ka vendosur kampionët e Shqipërisë kundër FC Petrocub nga Moldavia.
Në kampin rrogozhinas mund të konsiderohet një short i favorshëm, pasi kampionët moldavë ishin skuadra më e lehtë në letër mes alternativave që mund të dilnin nga goglat.
Të lidhura
None found
Ndonëse Petrocub ishte pjesë e grupit të UEFA Conference League në sezonin e kaluar, ai nuk perceptohet si një kundërshtar me një diferencë të madhe ndaj Egnatias. Klubi moldav numëron dy tituj kampionë në Moldavi dhe dy trofe të Kupës.
Sa i përket vlerës së skuadrave, Petrocub ka një total prej 4.76 milionë eurosh, ndërsa Egnatia vlerësohet nga “Transfermarkt” me 6.23 milionë euro, duke shfaqur një diferencë të konsiderueshme në favor të kampionëve shqiptarë.
