Real Madrid ka luajtur sot ndaj Celta Vigos në një fushë tejët të vështirë, më shumë se sa “Los Blancos” mund ta mendonin.
Karim Benzema ishte ai që zhbllokoi i pari në minutën e 19-të me anë të 11-metërshit. Loja ishte intensive dhe paksa e ashpër. Në minutën e 40-të, Celta Vigo shënoi golin e barazimit por VAR ndërhyri për t’ia anuluar golin.
Pjesa e dytë nisi në favorin e të zotëve të shtëpisë ku Nolito në minutën e 53-të shënoi golin e barazimit. Pas disa aksionesh njëra pas tjetrës nga të dyja ekipet, Benzema në minutën e 64-të kryen një tjetër penallti por këtë herë nuk ia del të shënojë.
Por pas pesë minutash, Real Madrid fiton një penallti të tretë dhe këtë herë Benzema nuk gabon.
Kështu, Real Madrid merr 3 pikë të rëndësishme dhe kështu vazhdon blindimin e vendit të parë, ku ka grumbulluar deri më tani 69 pikë, 12 më shumë se vendi i dytë Sevilla./ h.ll/albeu.com
