Përzgjedhësi i Austrisë, Ralf Rangnick, e konsideroi të merituar fitoren 3-1 ndaj Kosovës, duke veçuar kontrollin që skuadra e tij ushtroi në pjesën më të madhe të përballjes.
Të lidhura
None found
Ndeshja e zhvilluar të dielën në Vjenë, në kuadër të Grupit B3 të Ligës së Kombeve, përfundoi me triumfin e Austrisë, ndërsa trajneri u shpreh i kënaqur me menaxhimin e takimit nga lojtarët e tij.
“Sot të gjithë në stadium mundën ta ndienin energjinë pozitive të ekipit tonë dhe kjo ishte diçka shumë e mirë. Nuk ka nevojë të veçojmë ndonjë lojtar të caktuar”, deklaroi Rangnick.
“Për pothuajse të gjithë ndeshjen e patëm situatën nën kontroll. Edhe gjatë stërvitjeve po vërehet një atmosferë e mirë, ndaj duhet ta vazhdojmë me këtë ritëm”, shtoi 68-vjeçari.
Austria do të përballet të enjten me Irlandën në transfertë, pasi në dy ndeshjet e fundit si vendas ka grumbulluar 6 pikë.
