Kartoni i kuq i Michael Olises në përballjen e Ligës së Kampionëve mes Bayern Munichut dhe Viking Stavanger, e mbyllur 3-3, ka sjellë kritika të forta nga Lothar Matthaus. Legjenda gjermane e futbollit e konsideroi të papranueshme sjelljen e sulmuesit francez.
Të lidhura
None found
Për Olisen, ndeshja përfundoi në minutën e 74-të, kur dy ndëshkime me karton të verdhë në harkun e pak sekondave i kushtuan përjashtimin. Kartoni i parë erdhi pas një ndërhyrjeje të parregullt, ndërsa i dyti pasi goditi topin drejt Zlatko Tripic, kapitenit të Vikingut, me të cilin ishte përplasur.
I mbetur me një lojtar më pak, Bayerni nuk arriti ta ruante avantazhin. Goli i pësuar në minutën e 90-të i hoqi fitoren në fundin e një takimi dramatik të Ligës së Kampionëve.
Duke komentuar episodin për “Bild”, ish-kapiteni i Gjermanisë u shpreh se, sipas tij, Olise e kishte lejuar kundërshtarin ta provokonte. Matthaus këmbënguli se anësori i Bayernit duhej t’i mbante nën kontroll emocionet dhe të mos dorëzohej përballë provokimeve.
Ai pranoi gjithashtu se lojtarët e talentuar shpesh bëhen shënjestër e kundërshtarëve, të cilët kërkojnë t’i nxjerrin nga loja. Sipas Matthaus, ndaj një futbollisti të tillë ata përpiqen të përdorin çdo mjet të mundshëm për të arritur këtë qëllim.
