Duke folur në konferencën për shtyp në prag të derbit kundër Evertonit, Jurgen Klopp komentoi dhënien e Topit të Artë, duke iu referuar veçanërisht vendit të 7-të të Mohamed Salah.
“A jepet çmimi nga votat e gazetarëve? Nëse mendoni se ai duhet të ishte më i lartë në renditje, duhet të bindni kolegët tuaj”, tha fillimisht Klopp për renditjen e Salah.
“Mund t’ia jepni Messit për karrierën që kishte, por nëse nuk ia jepni Lewandowskit këtë vit, atëherë kur?”, përfundoi Klopp.
Vlen të theksohet se dje Leo Messi fitoi Topin e Artë për herë të shtatë në karrierën e tij.
