Në shtëpinë e Fiorentinës e ardhmja e sulmuesit Vlahoviç bëhet çdo ditë e më e qartë.
Serbi ka deklaruar që nuk do të rinovojë me klubin violë dhe tashmë dihet se e ardhmja e tij duket larg Fiorentinës. Në Itali Juventusi kishte kohë që e ndiqte nga afër sulmuesin serb por nuk veproi konkretisht duke drejtuar një ofertë zyrtare drejt tij.
Ndërkohë, Arsenali ka dorëzuar një ofertë zyrtare drejt Fiorentinës për Dusan Vlahoviç. Klubi anglez ka gati 80 milion euro për shërbimet e serbit. Në fillim zërat ishin se Vlahoviç nuk ishte dakort të transferohej tek Arsenal, por sipas “SkySport”, Fiorentina tashmë e ka pranuar ofertën e Arsenal-it dhe së shpejti do të ketë të reja të tjera në lidhje me këtë transferim./h.ll/albeu.com
