FIFA ka vendosur kontrolle të ashpra sigurie për gjysmëfinalen e Kupës së Botës ndërmjet Francës dhe Spanjës, duke nxjerrë një listë të qartë me flamuj dhe simbole që nuk do të pranohen brenda stadiumit.
Të lidhura
None found
Si zakonisht në eventet madhore sportive, organizatorët kanë vendosur të bllokojnë çdo simbol që mbart mesazhe politike ose lidhet me ideologji radikale, duke synuar ta mbajnë futbollin të pastër nga ndikimet politike.
Për këtë takim, tifozëve spanjollë u ndalohet të sjellin flamurin e epokës së Frankos me shqiponjë, atë karlist, flamurin e Zemrës së Shenjtë, si dhe “Estelada”-n, simbolin që përdoret nga lëvizja për pavarësinë e Katalonjës. Gjithashtu, në listë përfshihen dhe simbole të tjera të lidhura me grupet ekstremiste të djathta apo me idetë fashiste.
Nga ana tjetër, tifozët mund të përdorin lirisht flamujt kombëtarë të Spanjës dhe Francës, ata me stemat e federatave përkatëse, si dhe flamujt që përmbajnë logot e kampionateve të futbollit.
Personeli i sigurisë në pikat hyrëse të stadiumit konfirmoi për MARCA se masat do të jenë jashtëzakonisht strikte.
“Nuk na janë dhënë udhëzime shtesë. Thjesht na është kërkuar të inspektojmë me kujdes gjithçka dhe të mos lejojmë asnjë nga këta flamuj të kalojë. Ky është i vetmi urdhër që kemi marrë”, u shprehën punonjësit e ngarkuar me kontrollin e spektatorëve.
Qëllimi i FIFA-s është të ruajë një ambient thjesht sportiv në stadium, duke evituar çdo lloj provokimi apo deklarate politike gjatë një prej sfidave më vendimtare të Botërorit 2026.
