Alban Dragusha është emëruar zyrtarisht trajneri i parë i Ferizajt, ka bërë të ditur klubi.
Nëpërmjet një komunikate, skuadra ferizajase konfirmoi se ka finalizuar marrëveshjen me Dragushën, i cili do ta drejtojë ekipin në edicionin e ardhshëm.
Të lidhura
None found
Dragusha, trajner kosovar, i bashkohet Ferizajt pas angazhimit te FC Prishtina, ndërsa nga klubi vlerësohet se përvoja dhe profesionalizmi i tij do të jenë të rëndësishme për arritjen e synimeve të skuadrës.
“FC Ferizaj ka arritur marrëveshje me trajnerin Alban Dragusha, i cili është emëruar trajner i ri i skuadrës sonë. Dragusha vjen në Ferizaj pas angazhimit të tij te FC Prishtina dhe sjell me vete përvojë, profesionalizëm dhe ambicie për sukses”, thuhet në njoftimin e klubit.
Klubi i ka dëshiruar mirëseardhje trajnerit të ri dhe i ka uruar suksese në drejtimin e ekipit.
