Lisandro Martinez ka kërkuar ndjesë për komentet e bëra pas disfatës së Manchester Unitedit kundër Atletico Madridit, ku ai vuri në pikëpyetje ambiciet e drejtuesve të klubit në merkaton e transferimeve.
Të lidhura
None found
Mbrojtësi argjentinas njoftoi se është takuar me drejtuesit e Manchester Unitedit dhe trajnerin për të diskutuar hapur situatën e krijuar pas ndeshjes së së martës.
Martinez shpjegoi përmes një postimi në rrjetet sociale se zhgënjimi i shkaktuar nga humbja ndikoi në mënyrën dhe momentin e shprehjes së mendimeve të tij.
“Sot zhvillova një takim me drejtuesit e klubit dhe trajnerin. Ishte një bisedë shumë pozitive, në të cilën patëm mundësinë të ndanim këndvështrimet tona dhe të flisnim hapur për atë që ndodhi pas ndeshjes së së martës”.
“Humbja më zhgënjeu dhe më bëri të flisja për atë që ndieja në një moment dhe vend që ndoshta nuk ishin të përshtatshëm. Për këtë arsye, dua të kërkoj falje”.
“Manchester Unitedi është më i fortë kur të gjithë jemi të bashkuar. E pranoj se fjalët e mia në atë moment nuk ndihmuan për ta ruajtur këtë unitet”.
“E di se çdo pjesëtar i Manchester Unitedit po jep maksimumin për të përmbushur synimin tonë të përbashkët: t’i sjellim suksesin që ky klub dhe tifozët e tij e meritojnë”.
“Tashmë që kjo çështje është pas nesh, vëmendja jonë është tërësisht te sigurimi i fitoreve së bashku”, thuhej në deklaratën e Martinezit.
Man Unitedi do të përballet me Leeds Unitedin në Ligën Premier gjatë fundjavës.
