Partizani dhe Carlos Martinez nuk do të vijojnë më bashkëpunimin. Lajmin e ka bërë të ditur vetë mbrojtësi, i cili përmes një “story” në rrjetet sociale njoftoi fundin e eksperiencës së tij me të kuqtë, një periudhë që zgjati vetëm një sezon te “Demat”.
Të lidhura
None found
“Përfundoi ky kapitull. Faleminderit Partizani, për mundësinë dhe për gjithçka që kam jetuar gjatë këtij viti. Ju uroj shumë suksese”, shkruan kostarikani në mesazhin e tij të bërë publik.
Gjatë qëndrimit te kryeqytetasit, 27-vjeçari nuk arriti të spikaste, pasi u aktivizua vetëm në 10 ndeshje. Martinez kujtohet edhe për prezencën e tij në Kupën e Botës 2022 me Kombëtaren e Kosta Rikës, ku në sfidën hapëse të turneut ndaj Spanjës luajti 46 minuta.
