AC Bellinzona, klub që garon në ligën e tretë të Zvicrës, ka njoftuar përmes rrjeteve sociale se Armando Sadiku ka mbyllur karrierën si futbollist në moshën 35-vjeçare.
Sulmuesi shqiptar nuk do të largohet nga klubi, pasi drejtuesit i kanë besuar detyrën e drejtorit sportiv. Kështu, ai do të përfshihet në drejtimin dhe organizimin e AC Bellinzona, duke lënë pas rolin në fushën e lojës.
Të lidhura
None found
Gjatë karrierës së tij me klubet, Sadiku ka arritur të fitojë 8 trofe. Me Kombëtaren shqiptare, ai ka shënuar 12 gola në 38 ndeshje, ndërsa goli ndaj Rumanisë në “Euro 2016” mbetet një nga momentet më të veçanta të tij.
