Lugano e ka nisur me fitore aventurën në Ligën e Konferencës, duke mposhtur Crvena Zvezdën me rezultatin 3-2, në një ndeshje ku protagonist ishte edhe sulmuesi shqiptar Albian Ajeti.
Të lidhura
None found
Para 7.898 tifozëve, në stadiumin e ri të hapur këtë verë, Ajeti shënoi në minutën e 25-të dhe i dha skuadrës zvicerane avantazhin me një realizim të bukur.
Crvena Zvezda arriti ta përmbysë përkohësisht situatën, duke e çuar rezultatin në 2-1, por Lugano reagoi fuqishëm në fazën përmbyllëse të takimit.
Dereck Moncada vendosi baraspeshën në minutën e 84-t, ndërsa Anto Grgiq shënoi pesë minuta më vonë, në të 89-tën, duke i dhuruar Luganos tri pikë pas një përballjeje dramatike.
Albian Ajeti qëndroi në fushë deri në minutën e 63-të. Uran Bislimi luajti gjatë gjithë ndeshjes në mesfushë, ndërsa Ezgjan Alioski u aktivizua në minutën e 79-të.
Me këtë sukses, Lugano konfirmon formën e mirë që po kalon, pasi vijon të jetë e pamposhtur edhe në Superligën e Zvicrës.
