Skandaloze! Kandidatja: Duhet të paguash 500 mijë euro për të hyrë në parlament

Valbona Mezini kandidate e Bindjes Demokratike në zgjedhjet e 25 prillit, ka deklaruar se është paguar nga 300 deri në 500 mijë euro për t’u bërë deputet.

Sipas Mezinit, e cila foli për “Abc”, kryetarët e kanë ngritur pazarin dhe shikojnë ata që ofrojnë më shumë para.

“Ka pasur kandistë për deputet në 2017 që kur i lanconte kryetari nuk thoshte dot gjë përvese është nënë e shkëlqyer dhe ka bërë tre kalamaj. Ka raste flagrante që vazhdojnë akoma. Duhet të kalojë diskutimi në këtë prizëm. Të ndahemi nga e shkuara dhe të ndërtojmë një sistem tjetër. 

Ky vend bëhet dhe ka shqiptarë shumë të mirë në këtë vend. Vetë kryetarët e partive për të bërë lekë kanë ngritur pazarin. Është hapur tregu politik. E kam parë nga afër. Ngriheshin në ajër disa persona kush kishte lekë. Deri në 300-500 mijë lekë është paguar”, tha Mezini.

Shtuar 12.03.2021 10:03