Pas divorcit të bujshëm, Elia Zaharia rikthehet me një “katastrofë familjare”

Një katastrofë familjare, “Para Perëndimit”, është shfaqja më e re në Teatrin Metropol që ka rikthyer aktoren Elia Zaharian në skenë, pas bujës së divorcit me Princ Lekën.

Nuk dihet nëse kjo tipologji shfaqjeje është zgjedhje e mirëmenduar e Elia Zaharisë për tu rikthyer në Teatër, apo thjesht një rastësi.

Por e veçanta tjetër e kësaj shfaqje për Elian, është edhe fakti se ajo do interpretojë krah nënës së saj, Yllka Mujo.

“Para Perëndimit” përqendrohet në dramën e “mungesës së lirisë” me të cilën përballet 70-vjeçari Matthais Clausen. 3 vite pas vdekjes së gruas së tij, ai bie në dashuri me një vajzë të re Inken, por që pengohet nga të gjitha anët prej atyre që e rrethojnë, mbi të gjitha familja e tij që e sheh këtë histori dashurie si kërcënim të trashëgimisë financiare dhe shpirtërore të familjes.

Kujtojmë se Erion Teli, ish-Drejtori për Marrëdhëniet me mediat në oborrin mbretëror, foli pak kohë më parë në “Vizioni i Pasdites” ku pohoi se angazhimi i Elia Zaharisë si Drejtoreshë e Teatrit Kombëtar, është bërë shkak për divorcin.

 

 

View this post on Instagram

 

A post shared by Teatri Metropol (@teatrimetropol)


Shtuar 3.04.2024 11:36