Një magazinë ku ruhen ngjyra dhe llaqe është përfshirë nga flakët këtë pasdite në lagjen Zhelezara të Shkupit, përgjatë bulevardit “Aleksandar Makedonski”.
Të lidhura
None found
Qendra e Menaxhimit të Krizave (QMK) njofton se në operacionin për shuarjen e zjarrit janë angazhuar gjashtë automjete zjarrfikëse dhe 20 zjarrfikës.
Sipas të dhënave të QMK-së, në orën 17:10 ekipet e Brigadës Zjarrfikëse ndodheshin në vendngjarje, ndërsa zjarri vijonte të ishte aktiv.
Deri tani nuk raportohet për persona të lënduar. Gjithashtu, ende nuk dihen shkaqet e shpërthimit të zjarrit apo përmasat e dëmeve materiale.
Për shkak të materialeve që ndodhen në depo, ndërhyrja po zhvillohet me kujdes të shtuar. Informacionet e mëtejshme pritet të bëhen publike nga shërbimet kompetente pas përfundimit të operacionit.
