Një shtetas i Serbisë është ndaluar mbrëmjen e kaluar nga policia, pasi lëvizte me 188 kilometra në orë në autostradën Kumanovë-Shkup, te nyja “Rafineria”, ndërsa drejtonte një veturë Porsche.
Bëhet fjalë për B.S. (30) nga Republika e Serbisë, i cili u ndalua për tejkalim të shpejtësisë së lejuar.
Të lidhura
None found
Siç njoftojnë nga MPB, gjatë kontrollit të trafikut rrugor të realizuar me radar, oficerët e policisë ndaluan automjetin e pasagjerëve Porsche me targa serbe, që drejtohej nga B.S. (30). Pas matjes, u konstatua se ai po lëvizte me shpejtësi 188 kilometra në orë në një segment rrugor ku, me shenjë komunikacioni, kufiri maksimal i lejuar është 100 kilometra në orë.
Për shkak të veprës së kryer, automjeti është sekuestruar, ndërsa personi është ndaluar dhe është mbajtur në stacion policor për procedura të mëtejshme./Telegrafi/
