Zjarrfikësit e Shkupit kanë arritur të mbajnë nën kontroll zjarrin që shpërtheu në Parkun e Gazi Babës, bëri të ditur Qendra për Menaxhim me Kriza (QMK).
Të lidhura
None found
Drejtori i QMK-së, Muhamed Ali, njoftoi se situata në vendin e ngjarjes po normalizohet gradualisht, falë ndërhyrjes së shpejtë të Brigadës Kundër Zjarrit të Qytetit të Shkupit.
Ali theksoi se QMK reagoi pa vonesë, duke komunikuar dhe bashkërenduar veprimet me institucionet përgjegjëse. Ai ishte personalisht në vendngjarje për të mbikëqyrur operacionin dhe për të monitoruar ecurinë e tij. Sipas tij, zjarri tashmë është vënë nën kontroll, por forcat zjarrfikëse do të qëndrojnë atje deri në eliminimin e plotë të vatrave të zjarrit.
Drejtori i QMK-së u bëri gjithashtu thirrje qytetarëve që të njoftojnë menjëherë në numrin 112 nëse hasin flakë, tym apo çfarëdo situate tjetër që mund të përbëjë kërcënim. Ai u apeloi atyre të tregojnë kujdes të shtuar gjatë lëvizjeve në zonat malore dhe pyjore në këto ditë me temperatura të larta, duke shmangur çdo veprim që mund të ndezë zjarr dhe duke respektuar udhëzimet e autoriteteve.
