Ministri i Ekonomisë, Besar Durmishi, ka reaguar për protestën e zhvilluar sot në Tetovë, të organizuar nga BDI. Sipas tij, qyteti tregoi pjekuri dhe nuk u bë pjesë e provokimeve.
“Tetovarët nuk u bënë pre e provokimeve, as e përpjekjes që dikush të pastrohet nga një problem që vetë e ka krijuar.
Të lidhura
None found
Ata që e rrënuan Tetovën, e zhytën në baltë dhe e çuan në prag të dështimit total, sot morën mesazhin më të qartë pikërisht nga tetovarët. Dështimi i protestës dëshmoi se Tetova nuk është vendi ku dikush mund të lajë gjynahet e veta. Tetova është kockë e fortë që nuk kapërdihet.
E drejta për të protestuar respektohet gjithmonë. Por Tetova nuk lejon të shfrytëzohet për lojëra të errëta politike”, ka shkruar Durmishi./Telegrafi/
