Shumë njerëz mendojnë se këto dy zakone janë një dhe e njëjta gjë.
Para se të porsamartuarit të martohen, zakonet diktojnë që së pari t’i bëjnë një premtim njëri-tjetrit.
Shumë njerëz nuk bëjnë dallim mes propozimit dhe fejesës dhe e vërteta është se dallimi mes këtyre dy zakoneve është i madh, megjithëse njerëzit në përgjithësi mendojnë se është i njëjti zakon, shkruan albeu.com.
Domethënë, propozimi nënkupton momentin kur një i ri i kërkon dorën për martesë të dashurës së tij, pra kur ai i propozon asaj. Është një akt intim mes dy personave që, sipas zakonit, kryhet në një atmosferë private, larg syve të publikut.
Megjithatë, duhet theksuar se ky zakon ka ndryshuar me kalimin e kohës, ndaj disa meshkuj mendojnë se është më mirë të propozojnë publikisht, në mënyrë që të gjithë ta dëgjojnë menjëherë, ndaj zgjedhin një event publik ku do t’i propozojnë të dashurit të tyre.
Nga ana tjetër, fejesë nënkupton njohjen e familjarëve të dy të rinjve që kanë marrë vendimin për të nisur një jetë së bashku. Gjatë gjithë historisë, fejesat janë përdorur për të takuar prindërit, si dhe anëtarë të tjerë të familjes. Asokohe dorën e nuses e kërkonte babai i saj, ndërsa sot nuk është aq e zakonshme, por vendimin për zgjedhjen e bashkëshortit e marrin vetëm të porsamartuarit.
Se si do të bëhet dhurimi i unazës varet nga vullneti dhe dëshira e çiftit të dashuruar. Nëse një i ri do t’i dhurojë të dashurës së tij vetëm një unazë apo disa, varet vetëm prej tyre.
Pra, nusja e ardhshme mund të marrë deri në tre unaza, një për propozim, një për fejesë dhe një për martesë.
Thelbi dhe simbolika e fejesës mbeti e njëjtë gjatë shekujve, vetëm se mënyra e kryerjes së saj, koha dhe vendi, si dhe rrethi i njerëzve të afërt dhe miqve ndryshoi. /albeu.com/
