Uzuni flet pas disfatës kundër Anglisë: Kishim një kundërshtar të vështirë, ndjej keqardhje për humbjen

Kombëtarja shqiptare ka pësuar disfatë në takimin e dytë të Grupit I ndaj Kombëtares së Anglisë, shkruan “Zeri.info”.

“Tre Luanët” fituan me rezultat të pastër 0:2 ndaj “kuqezinjve” me dy golat e shënuar nga një në secilën pjesë.

Sulmuesi i Shqipërisë, Myrto Uzuni ndjeu keqardhje për humbjen nga Anglia, teksa vlerësoi kundërshtarët pas ndeshjes.

“Mund të shënonim në fillim, por nuk ia dolëm. Kishim një kundërshtar mjaft të vështirë. Anglia ka kualitet të lartë si në sulm si në mbrojtje andaj është e vështirë ndaj tyre. Ndjej keqardhje për humbjen. Duhet të japim më të mirën tonë në vazhdim”, deklaroi për “Supersport” Uzuni.

Përballja ndërmjet dy kombëtareve ishte e vlefshme për ciklin kualifikues të Kupës së Botës që do të mbahet në vitin 2022 në Katar.


Shtuar 28.03.2021 08:03