Sekretari i ri i Jashtëm, David Cameron ka bërë vizitën e tij të parë të punës në Ukrainë, duke takuar presidentin Volodymyr Zelensky në Kiev.
Cameron përsëriti angazhimin e Mbretërisë së Bashkuar ndaj Ukrainës përmes luftës.
Ai premtoi se do të vazhdojë “mbështetjen morale, diplomatike, ekonomike, por mbi të gjitha ushtarake” të Britanisë.
Zelenksy falënderoi Cameron për mbështetjen e vazhdueshme të Mbretërisë së Bashkuar.
Presidenti ukrainas e uroi Cameron për emërimin e tij të ri tre ditë më parë dhe e falënderoi atë për vizitën e tij të parë të punës në Kiev, raporton BBC.
“Kjo është shumë e rëndësishme, veçanërisht tani, kur bota po i kushton vëmendje jo vetëm situatës në fushën e betejës në Ukrainë”, tha Zelensky, duke aluduar për Lindjen e Mesme.
“Ne jemi mirënjohës për mbështetjen e palëkundur të Mbretërisë së Bashkuar. Ne jemi mirënjohës për pritjen e ngrohtë të qytetarëve ukrainas në MB. Dhe ne jemi të lumtur që keni ardhur në Ukrainë,” tha ai.
Cameron tha: “Kam pasur disa mosmarrëveshje me Boris Johnson, ne jemi njohur për 40 vjet, por mbështetja e tij për ju ishte gjëja më e mirë që bëri ai dhe qeveria e tij.”/albeu.com
