Në kryeqytet po zhvillohet për të 33-ën ditë me radhë protesta e qytetarëve, ndërsa këtë të enjte grumbullimi ka nisur në Sheshin “Skënderbej” në orën 19:00.
Në shesh kanë filluar të mblidhen aktivistë dhe qytetarë, të cilët shfaqen me pankarta dhe flamuj në duar. Sipas parashikimit, ata do të qëndrojnë aty për disa minuta përpara se të nisen në marshim drejt godinës së Kryeministrisë.
Të lidhura
None found
Gjatë tubimit, protestuesit do të parashtrojnë kërkesat e tyre dhe më pas pritet të vazhdojnë marshimin nëpër rrugët e kryeqytetit.
Disa ditë më parë, organizatorët publikuan pikat kryesore të kërkesave të tyre, ku përfshihet largimi i kryeministrit dhe i qeverisë, si edhe ngritja e një qeverie teknike tranzitore, jopartiake, me mandat 12-mujor.
