Një njgjarje e rëndë ka ndodhur në një paradë të Marinës Mbretërore të Malajzisë, ku dhjetë persona kanë humbur jetën, pasi dy helikopterë të marinës u përplasën në ajër gjatë provave ushtarake, raporton BBC.
Njëri prej helikopterëve preu rotorin e tjetrit përpara se të dy të përplaseshin në tokë, tregojnë pamjet e publikuara në mediat lokale.
Incidenti ndodhi në orën 09:30 me kohën lokale në Lumut, i cili është shtëpia e një baze marine.
Nuk dihet nëse ka persona të mbijetuar. Një nga helikopterët, një HOM M503-3 me 7 persona në bord, u rrëzua në një pistë vrapimi. Tjetri, një Fennec M502-6 me 3 të tjerët, u përplas në një pishinë aty pranë.
BREAKING: 2 military helicopters crash after mid-air collision in Malaysia, killing all 10 people on board pic.twitter.com/4afNggr0x9
— BNO News (@BNONews) April 23, 2024
Në mars, një helikopter i rojes bregdetare të Malajzisë, u rrëzua në det pranë ishullit Angsa gjatë një fluturimi stërvitor. Dy pilotët dhe dy pasagjerët në bord u gjetën dhe u shpëtuan nga peshkatarët.
