Gjatë kohës që deputetët po merrnin pjesë në seancën plenare në Kuvend, para godinës ishin mbledhur qytetarë në protestë kundër qeverisë së Edi Ramës dhe gjithë klasës politike.
Kjo protestë ishte njoftuar një ditë më parë, pas grumbullimit të përditshëm te Kryeministria. Nga turma janë dëgjuar thirrje si “Rama jepe dorëheqjen”, “Rama në burg, Berisha në burg” dhe “Ju erdhi fundi”.
Të lidhura
None found
Ndërsa deputetë të maxhorancës dhe opozitës hynin në Kuvend, protestuesit iu drejtuan atyre me akuza duke i quajtur persona të shitur.
Megjithatë, teksa ligjvënësit ndodheshin brenda sallës së seancave plenare, tensioni u zhvendos mes vetë protestuesve, të cilët nisën të shtynin njëri-tjetrin.
“Incident mes protestuesve, pasi njëri prej tyre shau komunistët, çka solli reagim të disa mbështetësve të Lëvizja Bashkë”, raporton gazetari Bekim Bici.
