Një stuhi e papritur goditi pasditen e kësaj të premteje qytetin e Pogradecit, duke sjellë përmbytje në disa prej akseve kryesore pas javësh me temperatura të larta.
Reshjet intensive e mbingarkuan sistemin e kullimit, ndërsa pasojat më të dukshme u regjistruan në rrugën “Dëshmorët e Pojskës” dhe përgjatë shëtitores së qytetit.
Të lidhura
None found
Niveli i ujit u rrit ndjeshëm dhe mbuloi hapësirat e kalimit, duke vështirësuar lëvizjen e banorëve dhe të këmbësorëve.
Pamjet nga terreni tregojnë qytetarë që hoqën këpucët për të kaluar nëpër ujë, ndërsa disa persona tentuan të vijonin rrugën me biçikleta, pavarësisht bllokimit të akseve.
Ndryshimi i menjëhershëm i kushteve atmosferike vjen pas një periudhe të gjatë thatësire dhe temperaturash të larta, gjatë së cilës në vend u shfaqën edhe shumë vatra zjarri.
