Drejtori i Urgjencës Kombëtare, Skënder Brataj, ka bërë me dije se nga data 4 janar e vitit 2022, të gjithë ata persona të cilët ende nuk kanë marrë dozat e vaksinës anti-Covid, mund të mos lejohen qe të frekuentojnë baret dhe lokalet.
Komentet Brataj i ka bërë gjatë një interviste për “Klan News”, ku tha se pandemisë së Covid-19 po i vjen fundi dhe se vaksina kundër koronavirusit mund të bëhet e përvitshme, si ajo e gripit.
“Pandemisë Covid-19 po i vjen fundi. Vaksina kundër koronavirusit mund të bëhet e përvitshme, si ajo e gripit. Nuk jemi të sigurt nëse varianti Omicron ka hyrë në Shqipëri. 20-30 raste të infektuarish në ditë i shtrojmë në spital për shkak të simptomave të rënda. Nga 4 janari, të pavaksinuarit mund të mos futen në lokale”, tha Brataj./albeu.com/
