Policia në Shkodër, ka arrestuar në flagrancë shtetasin A. D., 39 vjeç, banues në këtë qytet, i dyshuar për dhunë ndaj bashkëjetueses dhe tentativë për ta goditur me thikë. Gruaja e dëmtuar është jashtë rrezikut për jetën.
Rasti është regjistruar në një banesë të lagjes “Partizani”. Pas njoftimit për dhunë në familje, shërbimet e Komisariatit të Policisë Shkodër kanë mbërritur menjëherë në adresën e raportuar.
Të lidhura
None found
Sipas njoftimit zyrtar, efektivët e kanë kapur A. D. brenda banesës pikërisht kur po përpiqej të godiste me thikë bashkëjetuesen. Policia bëri të ditur se ndërhyrja e shpejtë pengoi përshkallëzimin e dhunës në familje.
Thika që dyshohet se u përdor në ngjarje u sekuestrua si provë materiale. Pas kryerjes së veprimeve procedurale, policia përfundoi arrestimin në flagrancë të 39-vjeçarit.
Materialet procedurale i janë dërguar Prokurorisë për veprat penale “Dhuna në familje” dhe “Prodhimi, mbajtja, blerja apo shitja pa leje e armëve të ftohta”.
