Agron Shehaj, kryetari i Partisë Mundësia, ka reaguar pas shfaqjes së pamjeve që dokumentojnë momentin kur deputeti socialist Erion Braçe shtyn me dhunë gazetarin Marsel Rupi. Ngjarja ndodhi në hapësirat e jashtme të Kryesisë së Kuvendit, teksa reporteri i News24 iu afrua për t’i drejtuar një pyetje.
Nëpërmjet një postimi në platformat sociale, Shehaj thekson se është e papranueshme dhe e paimagjinueshme që një deputet i Kuvendit të ushtrojë dhunë fizike kundër një gazetari. Ai e sheh këtë sjellje si rrjedhojë të arrogancës, bullizmit dhe paprekshmërisë që, sipas tij, ka ngjizur Edi Rama me modelin e tij të qeverisjes.
Të lidhura
None found
“Po i lënë nervat. Po u vjen fundi!”, shkruan Shehaj, duke sinjalizuar se këto veprime janë shenja të një regjimi që po shkon drejt rënies.
