Kryeministri Edi Rama ka folur nga Fieri lidhur me takimet e kryedemokratit Lulzim Basha që ka bërë bashkë shumë njerëz në Kavajë dhe Shkodër.
“Ngjitur e ngjitur me njëri tjetrin për të përshëndetur karvanin e fitores imagjinare e atyre që pasi e humbën çdo shans të shkuarën, kërkojnë një shans të ri që nuk kanë për të marrë.
Shqiptarët nuk duan më të eksperimentojnë rikthimin e PD në pushtet dhe të çfarë PD-je. Që sot është e përfaqësuar nga skuadra më e keqe, më e dobët, më absurde e 30 viteve”, u shpreh Rama.
Në fjalën e tij Rama komenton edhe ngjarjen në Elbasan, duke thënë se shfaqjet e Bashës të kujtojnë vitet ’90, ndërsa kreu i opozitës qëndron si provokator dhe më pas bën viktimën.