Protesta mbetet e tensionuar, protestuesit u vënë zjarrin kioskave në bulevard

Protesta e nisur në kryeqytet mëngjesin e së enjtes vijon mes tensioneve. Gjatë orëve të mbrëmjes, protestuesit janë mbledhur përgjatë bulevardit “Dëshmorët e Kombit”, ku kanë djegur disa kioska të vendosura në anë të rrugës.

Ndërkohë, forcat e policisë kanë vendosur një kordon përpara Kryeministrisë. Nga ana e protestuesve janë hedhur vazhdimisht gurë dhe sende të tjera të forta në drejtim të godinës qeveritare.