Rektori i Universiteti i Tiranës, Artan Hoxha, ka vendosur pezullimin e përkohshëm nga detyra të Dekanes së Fakultetit të Drejtësisë, Dorina Hoxha.
Në vendim thuhet se pezullimi do të jetë deri në përfundimin e procedurave për zgjedhjen e anëtarëve të Këshillit të Lartë Gjyqësor dhe Këshillit të Lartë të Prokurorisë.
Të lidhura
None found
Sipas dokumentit zyrtar, pezullimi lidhet me faktin se dekania ka shprehur interes për t’u përzgjedhur si anëtare e Këshillit të Lartë Gjyqësor.
Në vendimin e rektorit thuhet se gjatë kësaj periudhe, drejtimi i Fakultetit të Drejtësisë do të bëhet nga Skënder Kaçupi, i cili do të ushtrojë të gjitha funksionet e dekanit deri në përfundimin e procedurave përkatëse.
