Mbrëmjen e sotme janë regjistruar tensione mes pjesëmarrësve në protestë, teksa ata po vijojnë qëndresën e tyre prej 31 ditësh.
Në tubimin e 31-të qytetar të mbajtur në Tiranë, protestuesit kanë bërë apel që protesta të ruajë karakterin e saj paqësor dhe të shmangen përplasjet apo provokimet gjatë zhvillimeve në terren.
Të lidhura
None found
Një prej protestuesve iu drejtua të pranishmëve duke u kërkuar të mos bien pre e situatave që, sipas tij, synojnë të rrisin tensionin në tubim dhe ta largojnë protestën nga qëllimi i saj.
Gjatë fjalës së tij, ai ka sulmuar ashpër kryeministrin Edi Rama dhe ka hedhur akuza ndaj qeverisë, ndërsa u bëri thirrje qytetarëve të mos reagojnë ndaj personave që, sipas tij, mund të provokojnë situatën.
Sipas tij, protesta duhet të mbetet paqësore dhe e përqendruar te objektivi i saj politik, duke nënvizuar se çdo devijim mund të dëmtojë kauzën e protestuesve.
Protestuesi deklaroi gjithashtu se, sipas tij, tentativat për provokim kanë për synim të dëmtojnë lëvizjen qytetare, ndaj kërkoi qetësi dhe unitet nga pjesëmarrësit gjatë vijimit të tubimit.
