Përplasja për zyrat, FRD letër Veliajt, Celibashit dhe ambasadorëve të huaj në Tiranë

Fryma e Re Demokratike, tashmë me në krye Sali Shehun, i është drejtuar sot me një letër zyrtare kryetarit të Bashkisë së Tiranës, Erion Veliaj, kreut të KQZ, Ilirjan Celibashi, dhe ambasadave të SHBA, BE dhe OSBE në Tiranë, lidhur me përplasjen e ndodhur pak ditë më parë në zyrat e kësaj partie, pasi Policia Bashkiake shkoi për të liruar zyrat.

FRD shkruan në letër se nuk është dakord me të gjitha veprimet e kryera nga policia, ndërsa sqaron se “Partitë parlamentare pajisen me ndërtesë për selinë e tyre qendrore dhe zyra vendore. Këtë të drejtë e ka edhe partia politike, mesatarja e votave të së cilës në tri zgjedhjet e fundit parlamentare ka qenë mbi 1 për qind në shkallë vendi”.

Më tej, në letrën e tij kreu i FRD sqaron se “Nëse partia politike është pajisur me ndërtesë me kontratë huapërdorjeje, sipas këtij ligji, por nuk plotëson kushtet e parashikuara në shkonjën “b” të këtij neni, atëherë ka të drejtën e lidhjes së kontratës së qirasë për ndërtesë, për ta përdorur vetëm për selinë apo zyrat e saj vendore. Pika 2 e nenit 22/1, thotë: Kontrata e huapërdorjes ose pagimi i qirasë, sipas këtij neni, për partitë politike zgjat për aq kohë sa partia politike plotëson kushtet e parashikuara në shkronjën “b” të nenit 22”.

Shtuar 19.03.2021 11:03

Tags: , ,