Një përplasje mes disa personave, e cila kishte nisur paraditen e djeshme në Tepelenë, ka shpërthyer sërish pas mesnatës dhe ka lënë tre persona të plagosur.
Ngjarja ndodhi rreth orës 01:00 pranë një lokali në qytet. Nga të dhënat paraprake mësohet se personat e palës tjetër mbërritën me tre automjete fuoristradë, hynë në lokal dhe u përleshën fizikisht, duke përdorur grushte, shkelma dhe mjete të forta.
Të lidhura
None found
Dy vëllezër, përkatësisht 41 dhe 39 vjeç, si dhe kushëriri i tyre 46-vjeçar, u goditën me shkopinj bejsbolli dhe sende të tjera të forta. Të tre u dërguan në Spitalin Rajonal të Gjirokastrës, ku ndodhen jashtë rrezikut për jetën.
Të dyshuarit për pjesëmarrje në këtë konflikt janë shpallur në kërkim. Policia po vijon punën për t’i identifikuar dhe arrestuar. Informacionet e deritanishme tregojnë se përplasja dyshohet të ketë nisur për motive të dobëta, megjithëse shkaku i saj nuk është konfirmuar ende.
