Pas tensioneve të ditës së sotme në Kuvend, Sali Berisha dhe Gazment Bardhi kanë njoftur mbledhje urgjente të grupit të tyre në Kryesi.
Mbledhja do të nisë në orën 12:00, ndërsa pritet të diksutohet për hapin e radhës që do të ndërmarrin në kuadër të aksionit të tyre.
Njoftimi:
Te nderuar kolegë,
Sot në orën 12:00, ne sallën e grupit parlamemtar ne Kryesine e Kuvendit, do të zhvillojmë një mbledhje urgjente të Grupit Parlamentar.
Kujtojmë se në lidhje me situatën sot në Kuvend, ku karriget e deputetëve u hodhën në mes të sallës dhe tymuese me ngjyra u ndezën nga Salianji, ish-kryeministri Sali Berisha tha se shfaqja e opozitës sot në Kuvend ishte reagim si formë e një mosbindje civile.
“Patë sot reagimin me forma civile të mosbindjes civile. Një grevë të përkohshme, protestash-grevë nga deputetët e opozitës, me kërkesën e prerë të rikthimit të të drejtave të tyre kushtetuese. Ne, po e përsëris, de-facto jemi opozita e të drejtave të mohuara si kurrë ndonjëherë. Edi Rama i ka mohuar opozitës kërkesën për ngritjen e 8 komisioneve parlamentare. Kjo kërkesë nuk është në vullnetin e maxhorancës, por ajo diktohet nga kushtetuta për ngritjen e një komisioni sapo të mblidhen 35 firma. Anëtari i familjes së tij, (të Ramës), thjeshtra, që në çdo kod është anëtar familje, vazhdon prej 7 vitesh të marrë tendera nga sektori publik.”, tha Berisha.
